Hyllestad sokneråd har tilsett Renate Ørnehaug Dale, 37år, som kyrkjeverje i Hyllestad sokn etter Irene Fløde.
Vi ynskjer Renate Ørnehaug Dale velkomen som ny kyrkjeverje i Hyllestad.
Hyllestad sokneråd har tilsett Renate Ørnehaug Dale, 37år, som kyrkjeverje i Hyllestad sokn etter Irene Fløde.
I mars blir det overlapping, der Renate i løpet av månaden får opplæring og overført mynde.
Ho er fødd og oppvaksen her i Hyllestad og er tilsett i 50% stilling. Renate tek over etter Irene Fløde som sluttar etter 17 år som kyrkjeverje i Hyllestad, 1993-2002 og 2014-2023.
Kyrkjeverje er dagleg leiar for soknerådet si verksemd – øvste administrative leiar med personalansvar for tilsette, samt sekretær og sakshandsamar for soknerådet og utval. Kyrkjeverje er soknet sin «rådmann».
Kyrkjeverje har ansvar for mellom anna
- kyrkjekontor, utstyr, programvare og auka krav til arkiv
- HMT-arbeid
- økonomi og langtidsplanlegging, budsjett, tilvising, rekneskap, årsrapport
- drift og vedlikehald av 3 kyrkjer og eit kapell
- drift og vedlikehald av 3 kyrkjegardar/gravplassar
- gravplassforvaltninga i kommunen
- god kontakt med offentlege myndigheiter og andre samarbeidspartnarar
Til å hjelpe seg har kyrkjeverje sekretær i 40% stilling.